Денес се навршуваат 19 години од денот кога во трагична сообраќајна несреќа кај Нова Градишка прерано згасна животот на Тоше Проески – човекот кој со својот ангелски глас, искрена насмевка и огромно срце ја обедини цела Македонија и регионот.

Иако времето поминува, неговиот лик и неговото дело остануваат недопрени од заборавот. Тоше не беше само музичка ѕвезда со вонсериски талент; тој беше симбол на скромноста и хуманоста. Неговата позната порака „Ве сакам сите“ не беше само обичен поздрав, туку искрена филозофија според која живееше и го делеше својот дар со светот.

Преку своите изведби на „Цреша“, „Зајди, зајди“, „Игри без граници“ и многу други, тој задри длабоко во душите на генерации луѓе.



Дел од живата традиција и споменот за него е и традиционалниот маратон, кој годинава по 19-ти пат го трчаат 14 учесници од Нова Градишка сè до неговото вечно почивалиште на Гумење во Крушево. Со истрчани стотици километри низ Хрватска и Македонија, маратонците и оваа година на самиот ден од годишнината пристигнуваат во Крушево, пренесувајќи ја пораката дека љубовта и почитта кон Тоше немаат граници.

Во чест на Тоше Проески, и годинава се одржува традиционалниот маратон од Нова Градишка до Крушево, по 19-ти пат, со учество на 14 маратонци. Тие денеска, на годишнината од неговото загинување, треба да пристигнат во Крушево, каде што крајната цел е неговото вечно почивалиште на Гумење.