Шпанската кралица Летиција присуствуваше на воената парада во Мадрид заедно со кралот Фелипе Шести по повод одбележувањето на Националниот ден на Шпанија. За еден од најважните годишни настани на шпанското кралско семејство, таа избра миди-фустан со долги ракави во нежно розова нијанса.
View this post on Instagram
Модниот избор на кралицата
Кралицата носеше фустан со нагласен струк и лелеаво здолниште. Таа го искомбинира со чанта и чевли во потемна нијанса на розова боја, кои се истакнуваа во однос на нежната боја на фустанот. Ја носеше својата долга, темна коса пуштена.
View this post on Instagram
Нејзината постара ќерка, принцезата Леонор, се појави на парадата во воена униформа – исто како и нејзиниот татко, кралот Фелипе Шести – додека нејзината помлада ќерка, принцезата Софија, избра црвен костим со сако со дворедно закопчување.
View this post on Instagram
Воена парада во центарот на Мадрид
Кралското семејство ја следеше воената парада од официјалната трибина, придружувано од шпанскиот премиер Педро Санчез. Според Ројтерс, во поворката учествуваше и Шпанската легија со својата традиционална маскота.
Националниот ден на Шпанија се одбележува на 12 октомври, а воената парада во Мадрид е централниот настан на прославата.
