Педро Поро (27) сака да го напушти Тотенхем и да се врати во шпанската лига, а Барселона и Реал Мадрид веќе покажуваат интерес за репрезентативниот десен бек.

Според информациите во шпанските медиуми, фудбалерот е отворен за можноста да се врати во својата татковина во зимскиот преоден рок, иако го обнови договорот со лондонскиот клуб до јуни 2031 година.

Поро се етаблираше како клучна фигура во Тотенхем, но почетокот на сезоната му беше тежок, поради физички проблеми. Шпанскиот репрезентативец пропушти неколку натпревари, а неговата состојба влијаеше и на неговото учество во неодамнешните натпревари за репрезентацијата.

Новиот договор го прави еден од најплатените играчи на Тотенхем, што дополнително го комплицира евентуалниот трансфер.

Барселона го гледа Поро како можност за засилување на десната страна од одбраната, но за да преземе конкретни мерки, „Камп Ноу“ прво ќе мора да го напушти Жил Кунде.

Реал Мадрид исто така ја следи ситуацијата, а интересот за Шпанецот не е нов. Во 2019 година, кога играше за Џирона, имаше обиди да го привлече на „Сантијаго Бернабеу“.

Дефанзивецот на крајот се пресели во Манчестер Сити, пред да ја продолжи кариерата во Спортинг Лисабон и Тотенхем.

Foto/ Depositphotos