Мал воен авион за обука на пакистанската армија се урна денес во близина на градот Квета во југозападен Пакистан, при што загинаа двајцата пилоти, соопшти војската.
Според агенцијата АП, несреќата се случила во близина на Наван Кили, во областа на Квета – главен град на провинцијата Балучистан, која граничи со Авганистан.
Стануваше збор за авион од типот „PAC MFI-17 Mushshak“ – мал авион со еден мотор и пропелер, наменет за основна обука на воени пилоти. Во него се наоѓале инструктор за летање и пилот-кадет. Според првичните информации од пакистанската армија, причина за падот бил технички дефект.
A Pakistan Army Aviation MFI-17 Mushshak training aircraft crashed near Nawakilli in Balochistan Province due to a technical malfunction.
Both pilots on board, Major Husnain Shehzad Humayun, an instructor pilot, and Captain Abdul Samad, a student pilot, were killed in the crash. https://t.co/Ppyu63CPYo
— OSINTWarfare (@OSINTWarfare) October 12, 2026
Не се објавени дополнителни детали за инцидентот. Претседателот Асиф Али Зардари и премиерот Шехбаз Шариф изразија сочувство до семејствата на загинатите пилоти.
Падовите на авиони за обука се релативно честа појава во Пакистан. Властите ретко објавуваат информации за причините, а извештаите од истрагите најчесто не се достапни за јавноста. Во јуни, авион на воздухопловните сили се урна за време на рутинска вежба во северозападен Пакистан, при што исто така загинаа двајцата пилоти.
