Две торнада го погодија крајбрежниот град Марсала, на западот на Сицилија, повредувајќи десетици луѓе и предизвикувајќи значителна штета на објектите. Силниот ветер превртувал автомобили, а снимки од вчера утрото покажуваат две водени пијавици што од морето се приближуваат кон градот, пишува „Гардијан“.

Најмалку 11 лица биле пренесени во болница поради повреди од предмети носени од ветерот и скршено стакло. Седумдесетгодишен маж со повеќекратни скршеници е во критична состојба во болница во блискиот град Мазара дел Вало.

Terrifying footage of a violent tornado ripping through the city of Marsala in Sicily, Italy earlier this morning. Heavy damage reported in the area. https://t.co/Wg9JNFS9pg

— Nahel Belgherze (@WxNB_) October 9, 2026

Оштетено е и училиште во кое во моментот на невремето имало 273 ученици. Сите биле безбедно евакуирани, а шест деца добиле полесни исеченици и гребаници. Снимките од дрон покажуваат скршени прозорци и растурени клупи и столови.

Според научниците, невообичаено топлото Средоземно Море им дава дополнителна енергија на силните бури во регионот.