Кендал Џенер стана заштитно лице на брендот, позирајќи во впечатливи модни парчиња. Фотографиите од неа брзо ги преплавија социјалните мрежи.
Кендал Џенер, еден од најбараните светски модели, е ѕвезда на новата кампања на Intimissimi. Медиумите пренесуваат дека таа станала заштитно лице на новата линија долна облека „Ultralight with Cashmere“.
Парчињата го најавуваат доаѓањето на есенската сезона преку своите кроеви и паметниот избор на бои, а да не ги заборавиме и материјалите од кои се изработени.
View this post on Instagram
Кендал гордо позираше во кафеава пижама, носејќи чипкаст градник под неа. Комбинацијата од кашмир и сатен создаде чувство на удобност и топлина, по што сите копнееме во есенскиот период.
Нејзината поза исто така го привлече вниманието на јавноста; во еден момент, таа го крена горниот дел од облеката, откривајќи ја својата завидна фигура.
View this post on Instagram
Изгледот го заокружи со впечатлива шминка во кафеави тонови и брановидна коса. Претставниците на брендот ги споделија фотографиите и видеото од кампањата на социјалните мрежи, а корисниците на Инстаграм беа воодушевени од визуелните прикази.
View this post on Instagram
Многумина ѝ порачаа на славната убавица дека изгледа прекрасно!
