Се ближи денот кога во Лондон ќе биде доделена престижната награда Златна топка за минатата сезона. Двајца од номинираните, Килијан Мбапе и Ламин Јамал, од пред две недели лобираат и преку изјави и интерјуа, се обидуваат на медиумите и спортската јавност, да им докажат зошто треба да ја освои титулата најдобар фудбалер во светот за 2025/26.
Откако даде опширно интервју за „Лекип“, во кое кажа дека бил најдобра минатата сезона, Мбапе истото го направи и во интервју за „РФИ“.
„Чувствувам дека ова е добра година за мене. Би бил разочаран ако не ја освојам Златната топка. Кога натпреварувачот не победува, тој е разочаран, а јас сум натпреварувач“, рече Мбапе, а потоа објасни зошто треба да ја освои Златната топка.
„Мојата индивидуална година беше одлична. Бев најдобар стрелец на сите големи натпреварувања, што е клучен критериум за Златната топка. Знам дека направив сè што треба за да ја освојам и сум смирен додека ги чекам резултатите од гласањето.“
Мбапе, син на Алжирка и Камерунец, им се обрати на африканските гласачи на изборите:
„Никогаш не сум ја изгубил врската со моите африкански корени. Роден сум во Европа, но ја сакам Африка и моето африканско потекло. Секој пат кога одам во Африка ја чувствувам љубовта на луѓето таму. Отсекогаш сум се чувствувал сакан на африканскиот континент. Се надевам дека ќе ја освојам Златната топка и ќе ја посветам на Африка.“
Мбапе тврди дека ова е индивидуална награда. За разлика од Јамал, тој со тимот и репрезентацијата не освои ништо.
Јамал беше далеку поуспешен од Мбапе со својот тим и репрезентација. Тој ја освои Ла Лига со Барселона, титулата светски шампион со Шпанија, додека Мбапе не успеа со Реал и Франција.
Французинот затоа беше подобар индивидуално бидејќи ја заврши сезоната како најдобар стрелец во Ла Лига (25 гола), Лигата на шампионите (15 гола) и Светското првенство (10 гола).
Сепак, Јамал навистина има што да каже на тоа поле бидејќи беше најдобар асистент во Ла Лига (12), во која постигна 16 гола, а беше прогласен и за најдобар играч на шпанското првенство.
Foto/ Depositphotos
