Европа повторно се соочи со „непромислено и опасно руско однесување“, изјави претседателката на Европската комисија, Урсула фон дер Лајен, осврнувајќи се на испукувањето сигнални ракети од руска фрегата кон дански хеликоптер и соборувањето на дрон над Литванија. Таа ја сподели својата реакција на социјалната мрежа „Икс“, пренесе „Украинска правда“.
„Руски воен брод испука сигнални ракети опасно блиску до дански хеликоптер, а дрон навлезе во литванскиот воздушен простор пред да биде соборен од ловци на НАТО. Ова не се изолирани инциденти, туку дел од поширок образец на руска агресија и провокации против Европа, со кои се тестираат нашата подготвеност и решителност“, напиша Фон дер Лајен во својата објава.
Once again, Europe woke up to reckless and dangerous Russian behaviour.
A Russian warship fired emergency flares dangerously close to a Danish helicopter.
A drone entered Lithuanian airspace before being destroyed by NATO fighter jets.
These are not isolated incidents. They are part of a broader pattern of Russian aggression and provocation against Europe, testing our readiness and our resolve.
Russia will find our resolve only growing stronger.
We are reinforcing our collective deterrence and defence, together with NATO. And we are stepping up the pressure on Russia.
— Ursula von der Leyen (@vonderleyen) September 15, 2026
„Нашата решителност само зајакнува“
Претседателката на Комисијата изјави дека Русија ќе види како решителноста на Европа само се зајакнува како одговор на ваквите постапки.
„Заедно со НАТО, ја зајакнуваме нашата колективна одвраќачка моќ и одбрана. Истовремено, го зголемуваме притисокот врз Русија“, додаде таа.
Два инцидента за два дена
Борбени авиони од мисијата на НАТО за воздушен надзор денес за првпат соборија неидентификуван дрон над Литванија. Еден ден претходно, Данска го повика рускиот амбасадор на разговор откако руска фрегата испука две сигнални ракети кон дански хеликоптер.
