Градоначалникот на Општина Аеродром Дејан Митески денеска изврши увид во градежните работи на крак 28 на улицата „Тодор Чангов“, каде што во должина од 200 метри се врши целосна реконструкција, со замена на тампонскиот слој и асфалтната конструкција.

За првпат, оваа улица добива темелно обновена сообраќајна површина, што ќе придонесе за поголема безбедност и подобри услови за движење на жителите, велат од Општина Аеродром.

„Продолжуваме со реализација на проекти што носат конкретни промени во секојдневието на граѓаните. Интензивно работиме на обновување и подобрување на сообраќајната инфраструктура низ Општина Аеродром“, се додава во соопштението на Општината.