Градот Њујорк објави повеќе од 170.000 страници претходно класифицирани записи за квалитетот на воздухот по терористичките напади на 11 септември 2001 година. Документите откриваат дека градските власти во тоа време знаеле за опасните нивоа на загадување во областа околу урнатиот Светски трговски центар, дури и кога ја уверувале јавноста дека воздухот е безбеден, објави Си-ен-ен.

Градоначалникот Зохран Мамдани ги презентираше документите на прес-конференција вчера. „Како што минуваат годините и бројот на жртви расте, се соочуваме со цената на 11 септември секој пат кога прерано ќе изгубиме уште еден жител на Њујорк“, рече Мамдани. „Денес, речиси 25 години подоцна, повеќе луѓе починале од болести поврзани со 11 септември отколку од самите напади“.

MAMDANI is asked whether Rudy Giuliani lied about toxic air after 9/11 and should stay away from Friday’s memorial:

“The focus should be on the New Yorkers who were killed, their families, survivors and first responders. It should not be on politicians.”

“I leave it to New… pic.twitter.com/Y6U1V8KH7z

— Brian Allen (@allenanalysis) September 8, 2026

Растечки број
Во нападите загинаа речиси 3.000 луѓе, но илјадници други, вклучувајќи ги и припадниците на итните служби кои поминаа месеци работејќи на чистење на нередот, починаа од рак и други болести предизвикани од изложеност на токсини. Според податоците на Меморијалниот центар 9/11, најмалку 140.000 луѓе од сите 50 држави се вклучени во здравствената програма World Trade Center.

Од нив, кај 49.000 е дијагностициран рак поврзан со нападите. Градоначалникот Мамдани истакна дека многу луѓе кои моментално не се во системот се исто така подобни, како што се жителите во областа на кои не им биле дадени потребните информации или оние кои повеќе не живеат во Њујорк.

Кога Конгресот ја создаде здравствената програма во 2011 година, таа не опфаќаше лекување рак. Болеста беше додадена во 2012 година, по притисок од активисти и студија која потврди зголемена стапка на болеста кај пожарникарите кои работеа на Граунд Зеро.

Документи објавени по тужбата
Објавувањето на документите е резултат на тужба од „9/11 Health Watch“, која побара од градот да ги направи достапни за јавноста. Бен Шеват, извршен директор на групата, рече дека документите ќе им обезбедат на луѓето докази за остварување федерална помош и ќе поттикнат нови истражувања за здравствените последици.

„Господине градоначалник, сакам да ви се заблагодарам што сте тој што почна да одговара на прашањето по 25 години: Што знаеше градот за опасностите од токсичниот облак на Граунд Зеро и кога го дозна тоа?“, рече Шеват на конференцијата, обраќајќи му се на Мамдани.

Документите содржат интерни меморандуми во кои градските службеници предупредувале за резултатите од тестирањето уште во октомври и ноември 2001 година. Тие постојано покажувале зголемени нивоа на токсини, вклучувајќи азбест и опасни хемикалии.