Иранската револуционерна гарда вчера објави дека запленила американска подморница без екипаж на влезот во Ормускиот теснец, давајќи редок увид во тоа како се користат подводните дронови во воените операции, објавува Ројтерс.
Иранските државни медиуми објавија дека станува збор за пловило Dive-LD, големо автономно подводно пловило произведено од калифорниската одбранбена компанија „Андурил“. Подводното пловило, долго 5,8 метри, може да извршува задачи како што се отстранување на морски мини, мапирање на морското дно, собирање разузнавачки информации и инспекција на подводна инфраструктура, вклучувајќи кабли и цевководи, соопшти компанијата.
🚨BREAKING: Iran’s IRGC Release Footage Of A US Advanced Unmanned Submarine That It Seized
Anduril Industries Dive-LD autonomous underwater vehicle (AUV) uses advanced modern U.S. naval technology.
Iran will likely reverse engineer it, which will mean that its capabilities in… pic.twitter.com/Ll4ndqucRQ
— MintPress News (@MintPressNews) September 8, 2026
„Запленивме една од најмодерните и најинтелигентните подморници без екипаж на терористичката американска војска на влезот во Ормускиот теснец. Оваа подморница е опремена со најновите технологии“, објави морнарицата на Револуционерната гарда во соопштение објавено од иранските државни медиуми.
Портпаролот на Пентагон потврди дека подводен дрон „престанал да функционира пред повеќе од еден ден“. „Истото вршело надзор на регионалните води како дел од тековните операции. Неисправниот дрон бил постар модел кој не собирал чувствителни податоци ниту имал класифицирана сонарна или радарска опрема“, истакна портпаролот.
Ројтерс не можеше независно да ги потврди иранските тврдења, а Пентагон не ги коментираше во своето соопштение.
