Претседателот на ФИФА, Џани Инфантино, ќе се кандидира за претседател на Меѓународната фудбалска федерација на следните избори, потврди организацијата што ја предводи.

Џани Инфантино е на чело на ФИФА од 2016 година. И планира да се кандидира за уште еден мандат и покрај притисоците и барања за негова оставка.

Инфантино е очигледно убеден дека сè уште има доволна и неопходна поддршка за да биде реизбран.

„Претседателот на ФИФА објави во април дека ќе биде кандидат за реизбор во 2027 година. Секако, тоа не се променило. Г-дин Инфантино ќе биде кандидат за реизбор“, соопшти ФИФА.

ФИФА ги спомена претседателските избори за прв пат по Светското првенство. Доколку биде реизбран, Инфантино ќе добие мандат до 2031 година.

Невообичаено за однесувањето во текот на изминатиот месец, Инфантино не сакаше да зборува на темата на отворањето на Светското првенство за играчи до 20 години.

Крајниот рок за поднесување на кандидатурите е 18 ноември.

Foto/ Depositphotos