Холивудската актерка Кејти Холмс конечно ја пронајде среќата во љубовта, со уметникот Џејсон Бард Јармоски, кој е десет години помлад од неа. Двојката не се крие пред јавноста веќе некое време, а според изворите, Кејти е посреќна од кога било.
За да им го докаже тоа на сите, убавата актерка објави фотографија посветена на своето ново момче, а поводот беше неговиот роденден.
„Среќен роденден на најдобриот од најдобрите“, напиша таа покрај две фотографии објавени на Инстаграм, тагирајќи го њујоршкиот уметник.
View this post on Instagram
Кејти и Јармоски за прв пат беа видени заедно на 10 јули, кога беа фотографирани држејќи се за раце на проекцијата на филмот „The Invite“, во режија на Оливија Вајлд.
„Тој ѝ шепотеше на уво, а таа се смееше. Изгледаа многу опуштено заедно и таа имаше насмевка на лицето цела вечер“, изјави извор за People во тоа време.
Подоцна, извор близок до Холмс откри дека актерката и уметникот веднаш се зближиле за време на вечера, по што почнале да се гледаат.
Со оваа објава, Кејти само дополнително потврди дека е повторно среќна и, што е најважно, целиот пекол низ кој помина поради бракот со Том Круз, конечно е зад неа.
