Претседателот на САД, Доналд Трамп, побара од технолошката компанија „Епл“ да го преименува езерото Онтарио во „Езеро Америка“ на својата платформа за мапи, за да се совпадне името со неговата извршна наредба, потврди американскиот министер за внатрешни работи, Даг Бургум.

Бургум изјави за „Фокс њуз“ дека претседателот директно контактирал со „Епл“, додавајќи: „Сигурен сум дека наскоро ќе видиме таква промена“.

„Гугл“ го промени името за корисниците во САД во текот на викендот, но корисниците во Канада сè уште го гледаат името „Езеро Онтарио“. Езерото се граничи со канадската покраина Онтарио и американската држава Њујорк.

Во четвртокот, Трамп потпиша извршна наредба за промена на името на езерото Онтарио во „Лејк Америка“, по пропаѓањето на трговските разговори меѓу Канада и САД.

„Гугл“ соопшти во саботата дека неговите мапи за корисниците во САД ќе го прикажат името „Лејк Америка“ за да се усогласи со GNIS. Тие додадоа дека корисниците во Канада сè уште ќе го гледаат името „Лејк Онтарио“. Во остатокот од светот, на корисниците ќе им се прикажува името „Езеро Онтарио“.

Премиерот на Онтарио, Даг Форд, во саботата постави голем знак покрај брегот на езерото на кој пишуваше „Езеро Онтарио, сега и секогаш“ на англиски и француски јазик, официјалните јазици на Канада. Имињата на четири од петте Големи езера – Онтарио, Хјурон, Мичиген и Ири – доаѓаат од домородни зборови.

фото/ЕПА