Новинар од Гостивар бил нападнат вчера, најверојатно поради објавена фото-вест.

Според информациите од МВР, вчера во 23:40 часот во ОВР Гостивар, Б.М.(48) од Гостивар, новинар и сопственик на локална телевизија од Гостивар, пријавил дека околу 19:30 часот на ул.„Илинденска“ во Гостивар, додека извршувал службена дејност, А.Л. од Гостивар му се заканувал и се обидел и да му ја одземе камерата.

Според пријавеното, најверојатно мотив за нападот е претходно објавена фото-вест од новинарот.

Од МВР велат дека се преземаат мерки за расчистување на случајот.