67-годишен Тираносаурус беше продаден на аукција на „Сотбис“ во Њујорк за 37,4 милиони фунти (50,1 милиони долари), што го прави најскапиот диносаурус некогаш продаден.
Фосилот на овој познат предатор е висок повеќе од четири метри, а со зачувани повеќе од 60 проценти од неговите коски, тој е еден од „најкомплетните“ примероци пронајдени некогаш, објави „Сотбис“. Името на победничкиот понудувач на аукцијата одржана вчера сè уште не е објавено.
Тираносаурусот, со прекар Гус, е пронајден во 2021 година на оддалечен ранч во американската држава Јужна Дакота.
„Овој резултат беше создаван со години. Гас не е само исклучително вредно откритие, туку и примерок кој е ископан, документиран, подготвен и зачуван со вистинска извонредност“, рече Касандра Хатон, глобален раководител на науката и природната историја во „Сотбис“.
Продажната цена го надмина претходниот рекорд поставен од стегосаурус во 2024 година и е прв пат фосил од диносаурус да се продаде за повеќе од 50 милиони долари. Некои научници изјавија за Би-Би-Си дека аукцијата би можела да го означи почетокот на нова ера во собирањето фосили меѓу ултрабогатите колекционери.
Хатон верува дека високата цена го одразува времето и ресурсите вложени во пронаоѓањето и подготовката на примерокот. Коските беа ископани во текот на три лета, но беа потребни уште три години лабораториска работа за повторно да се состави Т – рекс. За време на тој процес, беше откриено дека черепот имал траги од угризување, како и претходно скршени ребра кои заздравеле за време на животот на животното. И двете повреди можеби биле предизвикани од хранење со остатоци од други животни или од борба со други диносауруси.
Можеби ќе помине некое време пред да се открие идентитетот на купувачот, но Апекс, стегосаурусот кој претходно го држеше рекордот, е позајмен на Американскиот музеј за природна историја на четири години од милијардерот и негов сопственик Кенет Грифин.
Значи, можно е дури и ако Гас заврши во рацете на екстремно богат купувач, тој наскоро да заврши во музеј отворен за јавноста.
фото/Depositphotos
