Аргентина го победи Египет со 3:2 во осминафиналето на Светското првенство со чудесен пресврт. Египќаните водеа со 2:0 со головите на Јасер Ибрахим во 15-та и Мостафа Зикоа во 67-та минута, но бранителот на титулата направи пресврт со головите на Кристијан Ромеро (79′), Лионел Меси (83′) и Енцо Фернандез (90+2′).

Погледнете ги головите <a href=”http://“>ТУКА. Аргентина ќе игра против Швајцарија во четвртфиналето.

Лионел Меси ја спаси Аргентина бидејќи асистираше за првиот и го постигна вториот гол.

Во својот 204-ти настап за репрезентацијата, тој стигна до 125 гола и 65 асистенции.

Сепак, капитенот на актуелните светски шампиони лошо го започна натпреварот. Кога Египет водеше со 1:0, тој изведе пенал во 20-та минута, но неговиот удар го одбрани Уфа Жобер.

Меси плачеше по драматичниот триумф.

„Плачев затоа што чувствував дека ги разочарав соиграчите поради пеналот. Затоа што не постигнав гол и затоа што го изведов лошо. За среќа, Бог повторно има посебен план со мене“, рече Меси и дополни.

„Не заслуживме да испаднеме. Овој тим навистина заслужува да помине понатаму. Никогаш не се откажуваме, никогаш. Никогаш!“

Foto/ EPA