Два силни земјотреси ја погодија Венецуела. Земјотресите со јачина од 7,2 и 7,5 степени по Рихтер беа со епицентар северозападно од Монталбан, во државата Карабобо, во централниот дел од земјата. Претседателката Делси Родригез прогласи вонредна состојба додека не се процени штетата.
Земјотресите предизвикаа уривање на неколку згради во Каракас, Трухиљо, Карабобо, Арагва, Миранда и Ла Гваира. Видеата што кружат на социјалните мрежи покажуваат десетици урнати згради.
Venezolano se graba corriendo las escaleras de su edificio mientras ocurría los dos terremotos que azotaron Venezuela, se pueden ver como las escaleras están agrietadas. pic.twitter.com/PWcRqTq87I
— 🇻🇪 amilcarrock 🇺🇦 (@amilcarrock) June 25, 2026
Едно од најсподелуваните видеа по земјотресите што ја погодија Венецуела е снимено од жител кој се симнувал по скалите од неговата зграда, додека делови од објектот се рушат.
Крајбрежната држава Ла Гваира, која Родригез ја опиша како „зона на катастрофа“, беше најтешко погодена од земјотресите.
„Ова е вистинска трагедија“, рече привремениот претседател и изрази сочувство до оние што ги загубија најблиските.
Официјалниот број на жртви, 32 мртви и 700 повредени, сè уште не ги вклучува бројките од Ла Гваира, па затоа се очекува да се зголеми.
