Во руски напад со дрон рано утрово бил погоден цивилен товарен брод во турска сопственост кој пловел кон украинско пристаниште. Во нападот загинал 58-годишниот готвач, а на бродот избувнал пожар.
Според украинската морнарица и Управата на украинските морски пристаништа, станува збор за бродот „Виктрес“, кој плови под панамско знаме. По ударот избувнал пожар што предизвикал значителна материјална штета.
The Russian army launched a drone attack on the Panamanian-flagged dry cargo ship VICTRESS, resulting in casualties and a fire. pic.twitter.com/f4NkMKLpM2
— Zmei (@zmei_kt) June 22, 2026
Украинските спасувачки служби го евакуирале екипажот на спасувачки сплав. Осуммина морнари биле спасени.
Украинските власти го осудија инцидентот, оценувајќи го како намерен напад врз цивилен поморски сообраќај и кршење на меѓународното право.
Нападот следува само неколку дена откако Киев соопшти дека во одделни руски напади во Црното Море биле погодени уште два цивилни брода, при што едно лице загинало, а неколку членови на екипажите биле повредени.
