Американскиот претседател Доналд Трамп изјави дека САД ја добија војната во Иран и дека за тоа не им е потребна помошта од Европа.

Тој го кажа ова за италијанскиот „Омнибус La7“, кога беше прашан што би им рекол на лидерите на групата Г7, вклучувајќи ги Италија и Франција, во врска со недостатокот на поддршка во управувањето со кризата со Техеран.

„Ја добивме војната во Иран, не ни беше потребна помошта од Европа. Нивната помош беше неважна“, рече Трамп.

Во четвртокот, Трамп изјави дека очекува договорот со Иран да биде потпишан во наредните денови, дека „документите се блиску до нивната конечна форма“ и дека церемонијата може да се одржи „некаде во Европа“ и дека на неа ќе присуствува потпретседателот на САД, Џ.Д. Венс.