Секојдневно гледаме малолетни деца како управуваат електрични тротинети без никаква заштита, без почитување на сообраќајните правила, често по двајца на еден тротинет, на улици полни со автомобили и опасности.
Многумина предупредуваме, апелираме.

Но несреќите продолжуваат.
Синоќа згасна уште еден млад живот – 13 годишно дете.
Ова не е „детска игра“.

Ова е сериозно превозно средство кое, во погрешни услови и без контрола, може да убие.
❗ Не барам забрани за инает.
❗ Не барам казни без причина.
✅ Барам РЕД. ОДГОВОРНОСТ. ЗАШТИТА НА ДЕЦАТА.

Ги повикувам:
👨‍👩‍👧 Родителите – да не купуваат тротинет без да постават правила и одговорност.
🏫 Училиштата – да зборуваат отворено со учениците за ризиците и последиците.
🚓 Полицијата и институциите – да спроведуваат контроли и закони, не само апели.
🛣️ Општините и државата – да донесат јасни законски измени и безбедносни мерки.
🧒 Децата и младите – да разберат дека брзината не е храброст, а животот нема втора шанса.

Барањата се јасни:
✔️ Минимална возраст за користење,
✔️ Задолжително носење кацига,
✔️ Забрана за возење по двајца,
✔️ Јасни правила, контрола и санкции…

Ова не е борба против децата.
Ова е борба ЗА децата.
Безбедноста не е опција — таа е обврска.
Да не чекаме следна трагедија за да реагираме.
Да се обединиме денес. 🇲🇰