Планот на Серхио Рамос (40) да ја преземе Севилја целосно пропадна откако легендата на Реал Мадрид драстично ги промени условите на својата понуда. Преговорите одеднаш пропаднаа доцна синоќа, кога поранешниот дефанзивец се врати на преговарачката маса со намалена понуда, што ги натера клупските челници да се откажат од она што требаше да биде историски договор за андалузискиот клуб, објавува „Goal.com“.

Севилја моментално е во сопственост на акционери собрани во холдинг групата „Sevillistas de Nervión S.A“.

Според „Марка“, нивната реакција на променетата понуда на Рамос била: „Ова е најлошата понуда што некогаш сме ја добиле. Тие сакаа да ја купат Севилјља за 100 милиони евра“.

Шпанските медиуми известија дека Севилја ги заврши преговорите со Рамос и неговата инвестициска група „Five Eleven“ по драматична промена во нивната понуда.

Само пред две недели беше потпишано писмо за намера за преземање вредно 440 милиони евра. Тој почетен договор вклучуваше 80 милиони евра за рекапитализација и 290 милиони евра за акционерите, додека остатокот беше наменет за решавање на проценетиот нето долг на клубот.

Продавачите дури се согласија да го продолжат рокот на плаќање, претпоставувајќи ги сите загуби настанати до конечното потпишување на договорот. Рамос ги увери сегашните сопственици дека ќе обезбеди гаранции за плаќање, поради што ненадејниот пресврт во среда беше неочекуван.

Ситуацијата стана покомплицирана кога Рамос пристигна на состанокот во среда со нов претставник. Роберто Алварез, спортски адвокат кој го застапува мексиканското семејство кое требаше да го води проектот, ги замени претходните советници. Новиот конзорциум презентираше радикално различни услови, намалувајќи ја вредноста на целата операција на 220 милиони евра.

Според таа ревидирана структура, 120 милиони евра ќби биле инвестирани во итна рекапитализација, со што групацијата Рамос ќе стекне контролен удел од 42 проценти.

Останатите 100 милиони евра би биле искористени за купување дополнителни 18 проценти од постојните акционери, што би им овозможило целосна контрола, а преостанатите акции ќе станат практично безвредни.

Сегашните сопственици веднаш го отфрлија изменетиот предлог. Продавачите еднострано го раскинаа договорот, сметајќи ги новите финансиски услови за неприфатливи за иднината на клубот.

Потенцијалните купувачи планирале да покренат јавна понуда за преземање, без точно да прецизираат кои акции планираат да ги купат, потег што би ги маргинализирал сегашните сопственици, пишива „Goal.com“.

Покрај тоа, намалената понуда била значително пониска од алтернативниот предлог на друга инвестициска група, која одборот на директори дури и не ја зел во предвид.

Ненадејниот колапс на преговорите ги остави сите вклучени страни со чувство дека пет месеци интензивни преговори биле потрошени залудно.

Севилја сега се соочува со трка со времето за да обезбеди многу потребна инвестиција. Бидејќи рекапитализацијата на клубот е неопходна, раководството мора брзо да најде нов купувач. За среќа на андалузискиот клуб, неколку нови инвеститори веќе покажале интерес, што значи дека новите преговори би можеле да започнат наскоро.

Да се ​​потсетиме дека Рамос ја започна својата фудбалска кариера во Севилја. Во два мандата, тој имаше 87 настапи, десет гола и една асистенција. Поголемиот дел од кариерата го помина во Реал Мадрид, а играше и за ПСЖ и мексикански Монтереј.

Foto/ Depositphotos