Американскиот претседател, Доналд Трамп изјави дека САД ќе ја задржат поморската блокада на Иран сѐ додека Техеран не прифати договор што ќе ги исполни американските барања за иранската нуклеарна програма.

Со тоа, Трамп ја отфрли иранската понуда прво да се укине блокадата, а нуклеарните преговори да продолжат подоцна.

„Блокадата е донекаде поефикасна од бомбардирање. Се гушат како прејадена свиња. Ќе им биде уште полошо. Не смеат да имаат нуклеарно оружје“, изјави Трамп за „Аксиос“.

Според извори запознаени со ситуацијата, американската војска подготвила план за можни кратки удари врз Иран доколку преговорите останат во ќор-сокак, иако Трамп засега не дал наредба за воена акција.

Од иранска страна, безбедносен извор за државната телевизија Press TV предупреди дека американската блокада „наскоро ќе добие конкретен и досега невиден одговор“ доколку продолжи.

Фото: Depositphotos