Британскиот рок бенд „The Rolling Stones“ наговести за името на новиот студиски албум со глобална кампања со билборди, а албумот ќе се вика „Foreign Tongues“.
На официјалните профили на бендот на социјалните мрежи беа објавени фотографии од билборди поставени во неколку светски градови, како што се Сиднеј и Париз, на кои се појавува истата фраза на различни јазици, заедно со препознатливото лого на групата.
View this post on Instagram
Гитаристот Рони Вуд претходно потврди дека бендот подготвува нов албум, кој се очекува да биде објавен во 2026 година. Последното студиско издание на бендот, „Hackney Diamonds“, беше објавено во 2023 година, кое ги воодушеви фановите и беше оценето како едно од нивните најдобри изданија во поновата историја.
Албумот што се наоѓа на врвот на топ листите е продуциран од Ендру Ват, кој соработувал со Елтон Џон, Перл Џем и Ози Озборн, меѓу другите.
Покрај тоа што работи на нов албум, Вуд најави и соло настапи во Европа, вклучувајќи концерт во Лондон ова лето.
фото/Depositphotos
