Градоначалникот на Битола Тони Коњановски денеска имаше работна средба со полскиот амбасадор Мариуш Бримора кој е во прва официјална посета на Општина Битола.
На средбата беа разменети мислења за билатералните односи меѓу двете земји, а градоначалникот на Битола го запозна полскиот амбасадор со личната карта на градот.
Се разговараше и за можностите за соработка, при што градоначалникот Коњановски го информираше за потенцијалите кои ги нуди градот под Пелистер.
Главниот акцент беше ставен на економската соработка, а се зборуваше и за културата и уметноста.
Коњановски и Бримора разменија пригодни подароци.
The post ПОЛСКИОТ АМБАСАДОР ВО ПРВА ОФИЦИЈАЛНА ПОСЕТА НА БИТОЛА appeared first on Општина Битола.
