Расположението на потрошувачите во Германија дополнително се влошило пред почетокот на мај, покажува најновото истражување на институтите ГфК и НИМ.

Индексот на потрошувачка доверба паднал на минус 33,3 поени, при што особено се влошиле очекувањата за приходите, кои се на најниско ниво од февруари 2023 година.

Граѓаните се сè помалку подготвени за купување поскапи производи, а пораснал и песимизмот за економските перспективи на земјата.

Истражувачите наведуваат дека стравот од инфлација и можните последици од продолжен конфликт на Блискиот Исток дополнително ја намалуваат довербата кај германските потрошувачи.