Startup Revolution.ai продолжува да гради заедница каде што технологијата, лидерството и вистинските искуства од индустријата се среќаваат на едно место. Во тој контекст, по успешните настани и континуираниот раст на заедницата, на 29 април 2026 година во Startup Club Skopje ќе се одржи новото издание на Engineering Leaders Meetup посветен на инженерско лидерство, градење тимови и развој на производи во комплексни технолошки средини.
Со почеток во 17:30 часот, е планиран инспиративен и едукативен настан кој ги обединува инженерските лидери, ИТ професионалците и сите оние кои сакаат да го продлабочат своето разбирање за улогата на лидерството во современите технолошки организации.
Во рамки на програмата ќе настапат тројца искусни говорници:
Крсте Андриоски, Engineering Director во RLDatix, ќе зборува на тема „The 5 W’s in Engineering Leadership“. Со речиси две децении искуство, неговата кариера опфаќа развој на комплексни системи и водење тимови кои работат на решенија користени од милиони корисници. Во своето излагање ќе се фокусира на клучните прашања што секој лидер треба да си ги постави во различни фази од својата кариера.
Александра Гјиновска, Senior Engineering Manager во NetRoadshow, ќе ја презентира темата „Engineering Leadership Evolution: From Metrics to Value Outcomes“. Таа ќе зборува за преминот од класично следење метрики кон создавање реална вредност, како и за улогата на инженерството во обликување на бизнис стратегијата и AI трансформацијата.
Драган Гелевски, технички основач и ко-основач на Hylosense, ќе се осврне на темата „Prototype, Validate, Refactor: Building the Right Things Before Building Them Right“. Неговото излагање ќе понуди практичен поглед на развојот на производи, нагласувајќи ја важноста на тестирањето идеи пред нивна целосна имплементација.
Покрај говорите, настанот ќе понуди и простор за отворена дискусија и вмрежување, овозможувајќи им на учесниците да разменат искуства и да воспостават нови професионални контакти.
Настанот е со задолжителна регистрација.
Линк: https://forms.gle/K4Nt8o2PfQrhFjM58
Со ваквите иницијативи, Скопје сè повеќе се позиционира како активен центар на технолошката заедница, каде знаењето, искуството и соработката се движечка сила за напредок.
