Американскиот претседател Доналд Трамп се согласи на двонеделен прекин на огнот, објавувајќи детали на неговата мрежа Truth Social.

Трамп го објави ова помалку од два часа пред истекот на рокот за она што претходно го нарече „уништување на цивилизацијата“.

Трамп рече дека договорот за прекин на огнот е постигнат под услов Иран да се согласи повторно да го отвори Ормускиот теснец.

„Врз основа на моите разговори со премиерот Шехбаз Шариф и фелдмаршалот Асим Мунир од Пакистан, во кои тие побараа да го спречам испраќањето на деструктивната сила во Иран вечерва, и под услов Исламската Република Иран да се согласи на ПОТПОЛНО, НЕПОСРЕДНО и БЕЗБЕДНО ОТВОРАЊЕ на Ормускиот теснец, се согласувам да го суспендирам бомбардирањето и нападот врз Иран за период од две недели. Ова ќе биде двострано примирје!“, објави Трамп на Truth Social.