Во текот на ноќта во Скопје, сопружници меѓусебно се пријавиле во полиција по инцидент во нивниот дом на подрачјето на Центар.

Околу 1 часот по полноќ, 52-годишна жена пријавила дека нејзиниот сопруг агресивно се однесувал и се обидел физички да ја нападне. Според нејзината пријава, таа подолг период била изложена на физичко и психичко малтретирање, но претходно не го пријавувала случајот.

Неколку часа подоцна, околу 3 часот, и 52-годишен маж пријавил дека во истиот дом му биле упатени закани од неговата сопруга.

Од полицијата информираат дека се преземаат мерки за расчистување на случајот.