Потврдена е автентичноста на снимките што прикажуваат големи експлозии во близина на иранска ракетна база на периферијата на градот Исфахан, пренесе Би-Би-Си.
„Би-Би-Си Верфај“ анализирал три видеа кои вчера почнале да се шират на социјалните мрежи.
Едно од нив прикажува огромен столб од чад и огнени фрагменти во воздухот во близина на ракетната база „Исфахан Југ“, при што се слуша глас на човек кој снима и реагира на силата на експлозијата.
JUST IN: 🇮🇷 Video shows the aftermath of US-Israeli strikes on an IRGC missile base in Isfahan, Iran. pic.twitter.com/J2tMs3dyVi
— BRICS News (@BRICSinfo) April 1, 2026
Вториот видео-запис, снимен од северната страна на базата, покажува густ чад што се издига над планините по пожарот, како и неколку последователни, силни секундарни експлозии. Тоа, според анализата, укажува дека по почетниот американски или израелски напад дошло до детонација на дополнителен експлозивен материјал.
🇺🇸 Moment a powerful missile struck on an IRGC missile base in Baharestan, Isfahan pic.twitter.com/516uJi2lTq
— World In Last 24hrs (@world24x7hr) April 2, 2026
На третата снимка, направена од блискиот град Бахарестан, се гледа како базата гори неколку минути. И таму се забележуваат повеќе секундарни експлозии, при што фрагменти летаат кон градот или паѓаат по планините.
Ракетната база „Исфахан Југ“ се смета за еден од клучните објекти на иранската ракетна програма во централниот дел на земјата. Таа е сместена во планинска област во близина на Исфахан, што овозможува природна заштита и прикривање на инфраструктурата – карактеристика типична за иранските воени објекти поврзани со балистички проектили.
Според достапните анализи, во комплексот се наоѓаат складишта за ракети и гориво, како и логистички капацитети за нивно одржување и подготовка.
