Унгарскиот министер за надворешни работи Петер Сијарто ги отфрли обвинувањата дека со години споделувал доверливи информации на Европската Унија со Русија, нарекувајќи ги лажни и манипулативни, пренесе агенцијата „Анадолија“.
„Како и секогаш, лажни вести“, напиша тој на мрежата „Икс“, додавајќи дека станува збор за украинска пропаганда со цел да се поддржи опозицијата пред изборите во Унгарија.
Fake news as always. You are telling lies in order to support Tisza Party to have a pro-war puppet government in Hungary. You will not have it! https://t.co/pNb1dLUSmM
— Péter Szijjártó (@FM_Szijjarto) March 22, 2026
Обвинувањата, објавени во „Вашингтон пост“ и пренесени од европски медиуми, тврдат дека Сијарто го информирал рускиот министер за надворешни работи Сергеј Лавров за затворени дискусии на состаноците на ЕУ.
Полскиот премиер Доналд Туск изјави дека веќе долго има сомнежи за вакви активности.
Од Европската комисија порачаа дека обвинувањата се исклучително загрижувачки и побараа објаснување од Унгарија.
