Американскиот претседател Доналд Трамп изјави дека на САД им се потребни дополнителни средства од многу причини во услови на војната со Иран, пренесе Ројтерс.

Според извештаите, Пентагон бара одобрување за повеќе од 200 милијарди долари за финансирање на конфликтот – износ што значително ги надминува досегашните трошоци и би бил наменет за зголемување на производството на клучно оружје.

Сè уште не е јасно колкав износ ќе биде официјално побаран од Конгресот, а дел од администрацијата е скептичен дека ваквиот предлог ќе добие поддршка.

Се очекува барањето да предизвика силен политички судир, бидејќи јавната поддршка за војната е слаба, а демократите се спротивставуваат. Републиканците сигнализираат поддршка, но нема јасно мнозинство.

Во меѓувреме, трошоците за војната растат брзо и веќе ја надминале сумата од 11 милијарди долари во првата недела.