Израелската војска соопшти дека извршила напад врз ирански нуклеарен објект во близина на Техеран.

Според Израелските одбранбени сили (ИДФ), станува збор за комплексот Талеган, кој бил погоден во воздушни напади на израелското воено воздухопловство во последните неколку дена.

🎯STRUCK: The ‘Taleghan’ compound, a site used by the Iranian regime to advance nuclear weapons capabilities.

The compound was used to develop advanced explosives and conduct sensitive experiments as part of the covert ‘AMAD’ project in the 2000s.

— Israel Defense Forces (@IDF) March 12, 2026

ИДФ тврди дека на таа локација Иран развивал напредни експлозиви и спроведувал чувствителни експерименти поврзани со проектот AMAD, за кој Израел тврди дека е тајна програма за развој на нуклеарно оружје.

Израелската војска наведува дека комплексот веќе бил цел на израелски напад во октомври 2024 година, по иранскиот ракетен напад претходно истиот месец.

Според ИДФ, неодамна било утврдено дека Иран почнал со обнова на објектот, а последниот напад е дел од пошироки операции насочени кон слабеење на иранските нуклеарни капацитети.

Фото: Depositphotos