Американскиот претседател Доналд Трамп изјави дека САД ја уништиле иранската морнарица, системите за воздушна одбрана, радарите и военото раководство во нападите врз Иран.
„Ги уништивме нивната морнарица, системите за воздушна одбрана, радарите и раководството. И можеме да направиме многу полошо“, им рече Трамп на новинарите. Тој додаде дека преостанатите цели во Иран би можеле да бидат уништени од американската војска „во рок од еден час“.
„Тогаш тие буквално никогаш повеќе нема да можат да ја обноват својата земја“, рече Трамп.
Американскиот претседател, исто така, рече дека не е загрижен за можни напади што би можеле да бидат извршени врз американска територија од страна на групи поврзани со Иран. Тој, исто така, додаде дека нафтените компании треба да продолжат да го користат Ормутскиот теснец и покрај заканите од Техеран.
Трамп беше прашан и за нападот врз училиште во јужен Иран во кој загинаа 175 лица, повеќето од нив деца. Новинарот го праша за најновите информации дека воена истрага потврдила дека САД го погодиле училиштето, на што американскиот претседател кажа: „Не знам ништо за тоа“.
⚡️REPORTER: Do you take responsibility for the Minab school strike? A military investigation found out that the U.S. struck the school.
TRUMP: I don’t know about it. pic.twitter.com/COQjITyjT7
— S2FUncensored (@S2FUncensored) March 11, 2026
Според американските медиуми, повикувајќи се на извори запознаени со прелиминарните наоди, досегашната воена истрага покажува дека САД се одговорни за смртоносниот напад.
Трамп претходно тврдеше дека училиштето било погодено од иранска ракета „Томахавк“, но воените аналитичари веднаш ја отфрлија таа можност, анализираат медиумите.
