Најмалку четири лица загинаа, а повеќе од десет се повредени во силни торнада и бури што го погодија јужниот дел на американската држава Мичиген, соопштија локалните власти.
Снимки објавени на социјалните мрежи од градовите Три Риверс и Јунион Сити покажуваат силен ветер кој крева покриви од згради и носи остатоци во воздух.
🚨 WATCH: Massive Tornado in Union City, Michigan.
🎥: @WSLPIG
— Breaking911 (@Breaking911) March 6, 2026
Во округот Бранч се пријавени три смртни случаи и десетина повредени, соопшти канцеларијата на шерифот, додека во округот Кас едно лице загинало, а неколкумина се повредени.
Невремето предизвика и прекини во снабдувањето со електрична енергија, а стотици жители останале без струја.
Гувернерката на Мичиген, Гретчен Витмер, изјави дека е активиран Државниот центар за итни операции за следење на ситуацијата.
Фото: Depositphotos
