Иран засега не планира да го затвори Хормушкиот Теснец по нападите на САД и Израел, изјави министерот за надворешни работи Абас Арагчи во интервју за „Ал Џезира“, пренесе Хина.

„Во оваа фаза не планираме мерки што би ја нарушиле пловидбата“, изјави тој.

По ескалацијата на конфликтот, дел од бродските компании и осигурители го суспендираа транзитот низ теснецот.

Преку Хормушкиот Теснец дневно минуваат околу 20 милиони барели нафта и значителен дел од глобалните испораки на течен природен гас.

Фото: Depositphotos