Во Јапонија нагло опаѓа продажбата на цигари


Во Јапонија нагло опаѓа продажбата на цигари - МИА

Скопје, 1 јуни 2020 () – Трендот на пад на продажба на цигари во Јапонија, во период помеѓу 2011 и 2019 година, коренсподира со растот на продажбата на уредите кои го загреваат, а не го горат тутунот (ХТП), укажува стручната студија на американски истражувачи од Јужна Каролина и од Канада.

Резултатите од последното истражување кое е направено овој месец укажуваат на поврзаноста на драстичниот пад на продажбата на цигари во Јапонија од 2016 година наваму со растот на продажбата на ХТП уредите.

Автори на студијата се Мајкл Камингс и Џорџ Нахас од Медицинскиот универзитет во Чарлстон од Јужна Каролина и професорот Дејвид Свинор од канадскиот Универзитет во Отава, кои во истражувачката работа користеа податоци од Институтот за тутун во Јапонија и извештаите на тутунскиот гигант „Филип Морис“.

Како што наведуваат авторите, замената на цигарите со ХТП уредите има голем потенцијал да ја поттикне стратегијата за намалување на штетата во однос на последиците од долгорочното пушење цигари. Јапонија е иницијално подрачје за продажба на уреди базирани на оваа иновативна технологија, а на тој пазар компанијата „Филип Морис“ во 2014 година го претстави IQOS, а две години подоцна се појавија и уреди на други производители базирани на технологијата на загревање на тутунот.

Според досегашните анализи, Јапонија моментално е најразвиен пазар, според бројот на корисници, на технологијата на несогорлив тутун.

Резултатите од оваа студија покажуваат дека меѓу 2011 и минатата година, севкупната продажба на класични цигари се намалила за 38 отсто. Конкретно, продажбата на цигари побавно, но стабилно опаѓала во текот на четири години од анализираниот период – од 2011 до 2015 година.

Во последните пет години, пак, цигарите драстично помалку се пушат додека бројот на корисници на ХТП уреди расте, што истражувачите ги наведува на заклучок дека забрзаниот пад на продажба на цигари во Јапонија од 2016 година наваму одговара на воведуањето и растот на продажбата на овие уреди.

Студијата на американските и канадските истражувачи е објавена во швајцарското списание МДПИ, кое ја поддржува научната заедница. Резултатите од оваа студија во голема мерка се базираат на поранешните истражувања на истата тема спроведени од страна на Американското друштво за борба против ракот, објавени минатата година во Бритнското медицинско списание за контрола на тутунот.


Различни ветувања од партиите, во фокусот младите и економијата - МИА
Вести

Различни ветувања од партиите, во фокусот младите и економијата

Скопје, 6 јули 2020 () – Правда за сите, администрација по европски стандарди, сигурност, просперитет, борба против корупцијата и криминалот, обнова на правосудството, подобар живот за младите, реформи во образованието, ова синоќа им го ветија […]

Бројот на починати од коронавирус во САД надмина 50.000 - МИА
Вести

Во континуитет висок број на починати од Ковид-19, досега 341 смртен случај

Скопје, 6 јули 2020 () – Седум починати од Ковид-19 се регистрирани вчера, со што вкупната бројка на смртни случаи од почетокот на епидемијата е 341. Пет од нив се од Скопје, еден од Тетово […]

Потврдени 103 нови случаи со Ковид-19, починати пет, оздравени 13 пациенти - МИА
Вести

Регистрирани 115 нови случаи на КОВИД-19 и седум починати

Скопје, 5 јули 2020 () – Во последните 24 часа се направени 1032 тестирања, а регистрирани се 115 нови случаи на Ковид-19, во Скопје-53, Куманово-4, Дебар-6, Штип-3, Прилеп-6, Тетово-8, Струга-13, Велес-1, Охрид-8, Гостивар-5, Пробиштип-1, Свети […]