Вкупните воени расходи на земјите од НАТО во 2020 година ќе изнесува 1.092,5 милијарди долари


Вкупните воени расходи на земјите од НАТО во 2020 година ќе изнесува 1.092,5 милијарди долари, што е за 61 милијарда долари повеќе отколку во 2019 година, се вели во статистичкиот извештај за воените трошоци на Алијансата. Во 2019 година, обемот на воени трошоци во Европа и Канада изнесуваше 301,38 милијарди долари, односно растот на нивното трошење по тековните цени е околу два отсто.



Велика Британија и Франција – двете најголеми воени сили на Европа – се очекува да ја достигнат целта од два проценти, заедно со Грција, Полска, Летонија, Литванија, Естонија, Полска, Романија и Норвешка. Но, неколку големи земји на ЕУ нема да успеат, вклучувајќи ги Германија со 1,57 отсто, Италија (1,43 отсто) и Шпанија (1,16 отсто). Најмногу заостануваат основачите на ЕУ, Белгија (1,10 проценти) и Луксембург (0,64 проценти), пишува Фајненшл тајмс.

Презентирајќи го извештајот, генералниот секретар на НАТО, Јенс Столтенберг, на прес-конференција во Брисел изјави дека и покрај пандемијата, воените трошоци на европските земји од НАТО и Канада се зголемуваат: „Шеста година по ред, гледаме зголемување на воените трошоци, очекуваме овој тренд да продолжи“.

Споредбата на воените трошоци на НАТО во 2019 и 2020 година, изразена во тековните цени на доларот, покажува дека девет од 30 земји малку ги намалиле своите воени трошоци. Најзначајно намалување на воените трошоци има во Бугарија – од 2,16 милијарди до 1,2 милијарди долари.

САД очекуваат сите земји-членки на НАТО да ги зголемат своите воени трошоци на најмалку два отсто од БДП до 2024 година, сега оваа проценка е надмината за 10 од 30 земји-членки (вклучувајќи ги и САД).