СЗО: Нападнете го вирусот, ќе ја надминеме и оваа криза


Земјите кои го ставија под блокада своето население за да го спречат ширењето на вирусот треба тоа време да го искористат за да го „нападнат вирусот“, порача денеска генералниот директор на Светската здравствена организација Тедрос Адхан Гебрејесус.

„И во минатото надминавме многу пандемии и кризи. Ќе ја надминеме и оваа“, рече Тедрос на брифинг со медиумите, се наведува на сајтот на СЗО.

Тој истакнал дека со барањето луѓето да останат во своите домови и со запирање на движењето се купува време и се намалува притисокот врз здравствените системи, но нагласи дека „само по себе овие мерки нема да ја згаснат епидемијата“.

„Ги повикуваме сите земји ова време да го искористат за да го нападнат вирусот“ рече Тедрос.

Во тој контекст тој укажа на шест клучни акции што СЗО ги препорачува земјите да ги преземат. Прво, да обучат, распоредат и го зголемат бројот на здравствени работници, и да применат систем за откривање на секој сомнителен случај. Исто така, тој наведе дека е потребно да се зголеми производството, капацитетот и можноста за тестирање и да се идентификуваат, прилагодат и опремат установите што ќе користат лекување и изолација на пациентите. Како петта акција тој наведе дека државите треба да развијат јасен план и процес за ставање во карантин на оние кои биле во контакт, а како шеста дека треба цело владино внимание да се насочи кон сузбивање и ставање под контрола на Ковид-19.

-Овие мерки се најдобриот начин да се сузбие и запре преносот и да не дојде до повторно заживување на вирусот, кога санкциите ќе бидат укинати. Последната работа што и треба на било која земја е отворање на училиштата и компаниите, само за да се присили повторно да ги затвори заради заживување на вирусот, наведе Тедрос.


Вести

За непочитување на полицискиот час, 24 скопјани ги очекува 48 илјади евра казна

Основното јавно обвинителство Скопје денеска поднесе предлози за издавање казнени налози пред Основниот кривичен суд Скопје, против вкупно 24 лица кои не го почитувале полицискиот час, информираат од скопското Обвинителство. – Обвинетите, во различни кривично-правни […]

Бизнис

Баравме системски мерки за сите засегнати, а не делумна помош во криза

31, Март, 2020, Скопје – Сојузот на стопански комори се оградува од мерките објавени во вториот сет од страна на Владата, со појаснување дека од наша страна се бараа системски мерки за сите засегнати микро, […]

Вести

Владата со втор пакет мерки за граѓаните и фирмите за увлажување на последиците од Ковид-19

Финансиска поддршка за претпријатијата од приватниот сектор за исплата на плати за своите вработени во висина од 14.500 денари за месеците април и мај, кратење на платите за сите избрани и именувани функционери на ниво […]