Собранието се конституира во вторник, по Илинден и разговорите за влада


Собранието се конституира во вторник, по Илинден и разговорите за влада - МИА

Скопје, 1 август 2020 () – Конститутивната седница на новиот парламентарен состав ќе се одржи во вторник на пладне под посебни протоколи поради коронавирусот и во друга собраниска сала – Голема купола. Седницата ќе се одвива според протоколи и критериуми што се утврдени во претходна координација со претседателот на Комисијата за заразни болести, д-р Жарко Караџовски, за да се намали ризикот од евентуално ширење на заразата од коронавирусот.

По илинденските празници партиите најавуваат дека ќе почнат неофицијалните разговори околу формирање нова Влада.

Премиерот и потпретседател на СДСМ, Оливер Спасовски очекува наскоро да биде формирана новата Влада од страна на СДСМ. Ги оценува како небулозни обвинувањата од страна на опозицијата за купување пратеници, потенцирајќи дека ќе нема нови избори. Од ВМРО-ДПМНЕ, пак, велат дека купувањето пратеници станало заштитен знак на СДСМ.

– Наводното купување пратеници е уште една небулоза на Мицкоски од спектарот небулози кои секојдневно ги кажува. Ние сме сериозни и така ќе се однесуваме и при формирањето на владата. Низ разговор, низ дијалог, со прифаќање на принципите за кои се залагаме, тоа ќе биде основа на која ќе побараме поддршка од пратениците во македонското собрание. Очекувам тоа да се случи многу скоро по формирањето на македонското Собрание, рече вчера Спасовски за „Утрински брифинг“.

Во врска со тоа дали имаат неофицијални разговори околу новата Влада, Спасовски повтори дека СДСМ и коалицијата таквите разговори ќе ги почнат после празникот 2 Август. Тој даде и коментар за изјавата на лидерот на ВМРО-ДПМНЕ дека е можно да се случат нови избори на есен.

– Мицкоски секој ден ги менува ставовите. Нели до пред некој ден велеше дека тој ќе формира влада, дека составува парламентарно мнозинство. Сега вели нови избори. Тоа е сепак негова работа. Изборите поминаа. На нив има јасен победник. Тоа е СДСМ. Ние ќе ја формираме новата влада, истакна вчера Спасовски.

Според потпретседателот на ВМРО-ДПМНЕ Владо Мисјаловски од власт која, како што вели, организираше поткуп и фалсификат избори какви што поминавме, не може да се очекува чесност и принципи.

– Техничкиот премиер вели купувањето пратеници било небулоза на опозицијата. Тоа што работата не им е завршена, не значи дека „понуди” до пратеници нема. А впрочем, купувањето пратеници некако стана заштитен знак на СДСМ за што говори и минатото искуство, смета Мисајловски.

Лидерот на ВМРО-ДПМНЕ Христијан Мицкоски, пак, смета дека за време на изборниот процес власта вршела директен поткуп на гласачите. Тој завчера во емисијата „Што не е јасно“ на ТВ Алфа рече дека дури се случувало парите што биле наменети за поткуп да бидат украдени, но веднаш да донесат нови пари. Мицкоски најави темелна кадровска реформа во сите структури на ВМРО-ДПМНЕ.

Тој истакна дека не би го изненадило и доколку на есен се случат нови предвремени парламентарни избори ако не успеат ниту тие ниту СДСМ, ниту друга партија да формира Влада. -Ако никој не успее да формира влада не ја исклучувам можноста за нови предвремени парламентарни избори наесен, истакна Мицкоски.

На предвремените парламентарни избори што се одржаа на 15-ти месецов, СДСМ освои 46 пратенички мандати, ВМРО-ДПМНЕ 44, ДУИ 15, коалициајата АА и Алтернатива 12, Левица два и еден ДПА. Конечните официјални резулати од изборите беа објавени на 25 јули, кога Државната изборна комисија им ги додели уверенијата на новоизбраните пратеници.


Над девет милиони во светот оздравени од Ковид-19 - МИА
Вести

Нови 155 случаи со Ковид-19, двајца починати, оздравени 127 пациенти

Скопје, 7 јули 2020 () – Во последните 24 часа се направени 1 845 тестирања и се регистрирани 155 нови случаи на Ковид-19. Починале две лица, а оздравеле 127 пациенти, соопшти попладнево Министерството за здравство. Од […]

ССМ: Социјалниот дијалог дава резултати, потребата од Синдикатот и колективните договори се потврдува во најтешките моменти - МИА
Бизнис

ССМ: Одлуката за поскапување на струјата е избрзана

Скопје, 7 август 2020 () – Сојузот на синдикати на Македонија (ССМ) смета дека одлуката за зголемување на цената на струјата е избрзана и зголемување ќе падне на товар на граѓаните. – Сојузот на синдикатите […]

Ивановска за МИА: Законот во ниту еден случај, ниту во вонредна состојба не ги ослободува од одговорност лицата кои ја злоупотребиле позицијата - МИА
Вести

Ивановска: Ќе бараме од новите пратеници да донесат Закон за потекло на имотот

– Не секогаш оној кој се стекнува со имот, го става имотот на свое име. Ќе бараме од новите пратеници да донесат Закон за потекло на имотот, изјави претседателката на Државната комисија за спречување на […]

1 Comment

  1. kakvo sobranie bre ova e nuklearen fasizam zaevizam predavnicki ,, denes makedoncite bevme na pogrebot na makedonija vo KRUSEVO ilinden stana pogrebalno komunjarsko pretprijatie da ti se mocam vo ilinden i krusevo bez makedoci da ti ja ebam sdsmovskata predavnicka familija RAKOT DA GI OCISTI KOMUNJARITE DO EDEN deca da mu sedrogiraat i da mu izumrat korenot KOMUNJARSKI DA SE ISUSI AMIN ILINDEN NAPOMOS SAMO ZA MAKEDONCITE A KOMUNJARITE DA SE SIDOSAAT OD DROGA I OD BES DECA DA IM CRKNATY

Вашиот коментар

Твојата е-маил адреса нема да биде објавена.


*