САД и Иран разменија затвореници



Техеран и Вашингтон разменија денеска затвореници – студент на постдипломски студии на американскиот Универзитет Принстон е ослободен во Иран во замена за ирански научник кој е задржан во САД, што претставува редок чин на дипломатска соработка меѓу двете земји, по повеќемесечните тензии.

За време на размената, која е извршена во Цирих, ирански официјални претставници го предадоа американскиот студент со кинеско потекло Сијуе Ванг, кој беше во притвор во Техеран од 2016 година, во замена за научникот Масуд Солејмани, кој е осуден во сојузната американска држава Џорџија.

– Мило ми е дека професорот Масуд Солејмани и господинот Сијуе Ванг наскоро ќе им се придружат на своите семејства, напиша иранскиот министер за надворешни работи Мохамад Џавад Зариф на Твитер, заблагодарувајќи им се на сите кои биле вклучени во размената, посебно на швајцарската Влада.

Набрзо се огласи и американскиот претседател Доналд Трамп, потврдувајќи преку соопштение на Белата куќа дека Ванг е ослободен и „се враќа во САД“.

– Ванг е затворен од август 2016 година под изговор дека вршел шпионажа. Им благодариме на швајцарските партнери за помошта во преговорите за ослободување на Ванг од Иран, наведува Трамп.

Ванг е осуден на 10 години затвор во Иран поради наводно „инфилтрирање“ во земјата и испраќање доверлив материјал во странство. Неговото семејство и Универзитетот Принстон категорично ги демантираа таквите тврдења.

Солејмани, пак, кој работи на истражување на матични клетки, хематологија и регенеративна медицина, бил уапсен од американските власти под обвинение дека ги прекршил трговските санкции, обидувајќи се да пренесе во Иран биолошки материјал.


Вести

Протест за декриминализација на марихуаната пред Основниот кривичен суд во Скопје

Протест за декриминализација на марихуаната и поддршка на активистот Филип Достовски се одржа денеска пред зградата на Основниот кривичен суд во Скопје. Претседателот на здружението Зелена национална агенда за Македонија – ЗНАМ Огнен Узуновски, рече […]

Седум нови случаи со Ковид-19 во Пијанец и Малешевијата - МИА
Вести

Нови 152 случаи на Ковид 19, починале две лица

Во последните 24 часа се направени 1630 тестирања, а регистрирани се 152 нови случаи на Ковид-19, починале две лица, додека оздравени се 126 пацинети, соопшти денеска Министерството за здравство. Од новите случаи најмногу има во: […]

Вести

МОН со последни подготовки пред стартот на учебната година, за СОНК има недостиг на технички средства

– Анализите направени од Синдикатот за образование, наука и култура (СОНК) покажуваат дека голем дел од училиштата немаат обезбедено технички средства за следење на онлајн настава, но од Министерството за образование и наука уверуваат дека […]