Ратификуван Договорот за реципрочно признавање на возачките дозволи со Косово


Собранието денеска го изгласа Законот за ратификација на Договорот со Владата на Косово за реципрочно признавање на возачките дозволи и ја констатираше оставката на Горан Трајковски од функцијата директор на Дирекцијата за заштита на лични податоци на негово барање.

На 98. седница пратениците дадоа поддршка на предложените законски имени на законите за царинската тарифа и за финансиска дисциплина, во прво читање, и ја заокружија расправата за Предлог законот за урбанистичко планирање, во прво читање.

Со измените на Законот за финансиска дисциплина се намалува надоместот за доцнење и се пренесува надзорот над спроведување на одредбите за деловни трансакции од страна на економските оператори од приватниот сектор од Управата за јавни приходи на Државниот пазарен инспекторат при Министерството за економија. Се врши усогласување со Директивата 2011/7/ЕУ за борба против задоцнето плаќање во комерцијални трансакции.  Се допрецизира дека должникот треба да ги исполнува своите парични обврски  во договорените рокови без претходно потсетување и опомена од страна на доверителот и се намалува надоместот за доцнење при исполнување на паричната обврска во договорениот рок од 3.000 денари на 2.400 денари.

Со предложените измени и дополнувања  на законот за Царинската тарифа се исполнува обврската за транспонирање на националното законодавство утврдена во Националната програма за усвојување на правото на Европската Унија и се обезбедува и правна основа за еднообразна примена на Царинската тарифа. Со законот ќе се овозможи поголема флексибилност во поглед на менувањето на царинската номенклатура, како и услови за потполна примена на интегрираната царинска тарифа што треба целосно да почне да се применува со новиот систем за обработка на царински и акцизни документи.

За измените на законот за урбанистичко планирање, како што предложи ресорниот министер Горан Сугарески, треба да се одржи јавна расправа.

– Целта на Предлог-законот за урбанистичко и просторно планирање е подобрување на деловната клима во Република Македонија со подобрување на квалитетот на запишаните податоци во катастарот на недвижности, зголемување на процентот на запишаните права во катастарот на недвижности што ќе продуцира со јакнење на вербата во јавната книга, како и зголемување на транспарентноста на институцијата како јавен сервис на граѓаните, рече Сугарески во образложението.

Пратениците од опозициската ВМРО-ДПМНЕ истакнаа дека прифаќаат одржување јавна расправа за законот и оти ќе интервенираат амандмани во негово подобрување.Побараа целосна примена на Законот за зеленило и ревидирање на урбанистичките планови.

Расправата по 98. седница ќе  продолжи по редовната пауза на пратениците.

Вести

Мемети: Зголемен бројот на поплаки за вознемирување на работното место

Оваа година има енормно зголемување од над 50 отсто на бројот на поплаки за дискриминација или поточно за вознемирување на работното место, поради разни основи. Граѓаните и годинава најмногу се жалеле на работата на судската […]

Вести

Демонстрантите во Боливија заземаа два државни медиуми

Противниците на претседателот на Боливија, Ево Моралес ги зазедоа зградите на два државни медиуми, телевизијата Боливија и радиото „Патрија Нуева“, принудувајќи ги вработените да ги напуштат своите работни места, изјави официјален претставник. – насобраните луѓе […]

Балкан

Тачи на Фејсбук соопшти зошто не отиде во Охрид

Косовскиот претседател Хашим Тачи на Фејсбук објави дека одбил да присуствува на самитот во Охрид, наведувајќи дека Косово не сака да ја замени својата евроатлантска перспектива со ниту една регионална иницијатива, јави Танјуг. Тој наведе […]