Протест и почеток на штрајк на вработените во прилепски „Еурокомпозит“


Шеесетината вработени во прилепската наменска фабрика „Еурокомпозит“ повторно се собраа на протест пред фабриката, прекинувајќи ја работата и барајќи си ги своите права. Тие велат дека сѐ уште не ги зеле сите плати за повеќе од четири месеци, ниту им е извесна иднината. Инаку, 154 вработени заминаа технолошки вишок и на сите со закон им е овозможена исплата на заостанатите придонеси. Сега голем проблем имаат вработените. Велат отсега стапуваат во штрајк со порадикални мерки.

Според Роберт Богданоски, претседател на синдикатот во „Еурокомпозит“, штрајкот и радикалните мерки се поради тоа нема никаква најава што ќе се случува со вработените.

-Имаме најавено од денеска генерален штрајк и почнуваме со порадикални мерки со протести по улиците и собирање пред Владата. Во последниве четири месеци зедовме во просек вкупно 30-ина илјади денари. Немаме никаква работа. Упатуваме апел до Владата под итно да се најде работа од Министерствата за внатрешни работи и за одбрана. Доколку не се најде такво решение, подобро е да се стави клуч на вратата на „Еурокомпозит“. Бараме под итно да ни се исплатат по 30.000 денари за да почнеме со работа. Жално е кога сите се борат за зголемување на платите,  ние се бориме за минимална плата, рече Богданоски.

Помина една година кога 154-ица работници заминаа технолошки вишок, а од ветувањата дека ќе се најде инвеститор и оти ќе се исплатат побарувањата нема ништо, наведуваат работниците.

– Мора да се каже дека и за оние кои заминаа технолошки вишок и за нас, 63-јца кои останавме да работиме, со Закон се реши прашањето за заостанатите придонеси. До септември се платени. Но ние продолживме со работа, а не ни е средено со платата и неизвесна е иднината. Ако вака се продолжи, повторно треба да ја молиме Владата да ги решава придонесите, изјави Богданоски.

На менаџментот му се дадени роковите кои ги бараше, но ништо не е решено. Затоа, како што велат вработените во „Еурокомпозит“, мора да се преземат порадикални мерки.


Вести

Пентагон: Триесет и четири војници имаат трауматични повреди на мозокот

Пентагон денеска соопшти дека кај 34 американски војници биле дијагностицирани трауматични повреди на мозокот по иранскиот напад врз базата во Ирак на почетокот на овој месец. Според портпаролот на Пентагон, Џонатан Хофман, осуммина војници, кои […]

Вести

ЕУ го именуваше првиот шеф на својата Делегација во Лондон

Шефот на европската дипломатија Жозеп Борел го именуваше Жоао Вале де Алмеида за прв шеф на идната Делегација на ЕУ во Обединетото Кралство. Во соопштението на Европската служба за надворешни работи се наведува дека Вале […]

Вести

Претставниците на ВМРО-ДПМНЕ ја напуштија денешната средба за законот за јавно обвинителство

Не цел половина час по почетокот на средбата на партиските работни групи за законот за јавно обвинителство што се одржува во Собранието претставниците на ВМРО-ДПМНЕ ја напуштија дискусијата поради тоа што не била прифатена нивната […]