Продолжуваат протестите на средношколците во Франција

Неколку илјади средношколци протестираа денеска во Франција против образовните реформи во сферата на матурските испити и начинот на запишувањето на факултетите.

Како што јави дописникот на МИА, при протестите во градот Безие повреден е еден ученик.

Протестите во Марсеј започнаа пред факултетот Сен Шарл, од каде средношколците се упатија кон старото пристаниште, по што се вратија на појдовното место. При протестот средношколците беа придружувани од нивните професори.

Маршот на средношколците мина со засилено полициско присуство, при што демонстраните беа следени и од хеликоптер од воздухот.

Меѓу паролите кои можеа да се видат на собирот беа и: „Тие може да ги соберат сите цвеќиња, но нема да ја запрат пролетта“ и „Не за зголемувањето на трошоците за запишување на факултет“.

Неколку средни училишта во реонот на Марсеј беа затворени превентивно со образложение за можен „преголем ризик и жртви“ и „присуство на надворешни елементи меѓу учениците“.

Протести и блокирани средни училишта имаше и во други делови на Франција, посебно во Париз и парискиот регион, каде за утре е закажан протестен марш, само еден ден пред најавените нови собири на „жолтите елеци“.

Полицијата веќе најави зголемени безбедносни мерки и промена на стратегијата на дествување во случај на насилни протести.


Вести

Ратификуван Договорот за реципрочно признавање на возачките дозволи со Косово

Собранието денеска го изгласа Законот за ратификација на Договорот со Владата на Косово за реципрочно признавање на возачките дозволи и ја констатираше оставката на Горан Трајковски од функцијата директор на Дирекцијата за заштита на лични […]

Вести

ЗНМ: Да се повлече обвинението против Кежаровски

Здружението на новинарите на Македонија (ЗНМ) денеска на прес-конференција побара од Основното јавно обвинителство да го повлече, а од Кривичниот суд да го отфрли обвинението против новинарот Томислав Кежаровски. Претседателот на ЗНМ Младен Чадиковски соопшти […]

Вести

Средба Пендаровски – Џафери во Вила Водно

Претседателот на Република Северна Македонија, Стево Пендаровски, денеска ќе има средба со претседателот на Собранието, Талат Џафери. Средбата ќе се одржи во Вила Водно, соопштија од кабинетот на претседателот. Ова е нивна прва официјална средба […]