Медиумите уште денеска може да објавуваат резултати од анкети

Медиумите уште денеска може да објавуваат резултати од испитувањата на јавното мислење поврзани со учесниците во изборниот процес. Според Роковникот на Државната изборна комисија, резултатите од анкетите може да се објавуваат најдоцна пет дена пред денот определен за одржување на претседателските избори и вонредните локални во три општини, односно рокот истекува денеска на полноќ.

Завчера истече рокот во кој избирачот кој не е во можност да гласа на гласачкото место – немоќно или болно лице, а сака да гласа, можеше за тоа да ја извести Општинската изборна комсија, со цел да може да го оствари своето право на 20 април. Ден пред одржувањето на изборите гласаат и избирачите кои на денот на гласањето се наоѓаат на издржување мерка куќен притвор, но тие да се пријават до ОИК имаар рок до среда на 17 април на полноќ.

Според Роковникот на ДИК, учесниците во изборната кампања, на 11-тиот ден од кампањата требаше да поднесат финансиски извештај со спецификација на трошоците на жиро-сметката за изборна кампања од денот на нејзиното отворање до крајот на десеттиот ден од изборната кампања.

Државната изборна комисија информираше дека организаторите на изборните кампањи за претседателските и за предвремените локални избори во три општини навреме ги доставиле финансиските извештаи до Комисијата. Извештаите се јавни односно објавени на веб страницата на ДИК, а во нив има детали за првиот дел од кампањата.

Ова е првиот извештај што учесниците во изборната кампања треба да го поднесат до ДИК, ДЗР и ДКСК. За вториот круг од изборите извештаи треба да поднесат најдоцна до 24 часот на 4 мај, а најдоцна до 20 април доколку не учествуваат во вториот круг од изборите.

Од ДИК соопштија и дека се пристигнати и извештаите од податоците на радиодифузерите за емитуваното платено политичко рекламирање во првата недела од кампањата за избор на претседател и за градоначалници на Ново Село, Охрид и Дебар. Во ДИК изготвуваат налог кој потоа се доставува до Министерството за финансии од каде треба да се изврши исплата на радиодифузерите.

Според Изборниот законик, пред исплата на трошоците за емитуваното ППР од страна на ДИК, Агенцијата е должна да достави извештај за вкупното времетраење на ова рекламирање што било емитувано кај секој радиодифузер, првпат на 10-от ден од изборната кампања, а вторпат на 7-от ден по завршување на кампањата. Оттаму, во согласност со Упатството што Советот на Агенцијата го усвои на 29 март 2019 година, радиодифузерите имаат обврска да достават податоци во Агенцијата за емитуваното платено политичко рекламирање.

Вториот извештај АВМУ треба да го достави до Комисијата на 26 април, за првиот круг на изборите, и на 10 мај за евентуалниот втор круг.


Вести

Демократски дебати неделава во САД – прва предигра за изборите во 2020 година

Пред милиони Американци неделава на првите демократски дебати ќе се појават на едно место речиси дваесетмина кандидати во трка за номинирање претстедателски кандидат од Демократската партија на изборите следната година. Иако застапуваат различна идеологија – […]

Вести

Прифатено барањето на Јанкулоска за одложување на затворската казна за „Тенк“

На поранешната министерка за внатрешни работи Гордана Јанкулоска и е прифатено барањето да и се одложи четиригодишната затворска казна за случајот „Тенк“. Како што соопшти денеска Основниот кривичен суд – Скопје, извршувањето на казната се одложува се […]

Вести

Заменик-министерот за образование Петар Атанасов поднесе оставка

Заменик-министерот за образование и наука Петар Атанасов на својот фејсбук-профил во отворено писмо до премиеот Зоран Заев и до јавноста соопшти дека поднесува оставка од функцијата. Како што вели, неговата позиција станува „неодржлива и неефективна“ […]