Лондон предупредува на можно пропаѓање на Брегзит


Британските пратеници, кои планираат да не го поддржат Договорот за Брегзит, што пред два месеци го постигнаа Владата во Лондон и Брисел, ризикуваат да предизвикаат блокада на Велика Британија и можност земјата да не ја напушти Европската Унија на предвидениот датум 29 март, предупреди денеска шефот на британската дипломатија Џереми Хант.

Доколку британскиот Парламент на предвиденото гласање во вторник го одбие постигнатиот Договор за излез на Велика Британија од ЕУ, можно е да дојде до „Брегзит без договор“, што предизвикува голема неизвесност и ставување од можен хаос во земјата.

– Ако Договорот биде отфрлен, најверојатно ќе западнеме во парализа и нема да можеме да го реализираме она за што гласаше народот (на референдумот за Брегзит во 2016 гоидина), изјави Хант за телевиизјата Скај Њуз.

Британските пратеници кои се цврсти во својот став земјата да ја напушти ЕУ, не се согласуваат со дел од одредбите од постигнатиот Договор за Брегзит и сакаат целосен прекин на врските меѓу Велика Британија и Унијата.

Хант оцени дека расположението на мнозинството пратеници во Парламентот во Вестминстер е земјата да не ја напушти Унијата без договор, со што би бил блокиран целиот процес на Брегзит.

–  Мислам дека сега има многу помала веројатност дека Парламентот ќе дозволи Брегзит без договор, потенцира Хант.

Вести

Законот на ЈО во август, ако се постигне консензус

Владата вчера на седница го усвои Предлог-законот за Јавното обвинителство и донесе одлука да биде испратен на усвојување во Собранието со европско знаме и во скратена постапка. На предлог на Министерството за правда Владата прифати […]

Вести

Хан и Рикер доаѓаат во Скопје на средби со државниот врв и со опозицијата

Еврокомесарот за проширување Јоханес Хан утре доаѓа во Скопје на средби со државниот врв и со лидери на политички партии. Хан ќе се сретне со претседателот Стево Пендаровски, со премиерот Зоран Заев и со лидерот […]

Вести

Јанева негира вмешаност во „Рекет“, тврди дека некој со сите сили сака да го урне СЈО

Специјалната обвинителка во оставка Катица Јанева вчера на прес-конференција негираше дека е вмешана во случајот „Рекет“. Обвини дека против неа и нејзиното семејство се води хајка уште од самото стапување на функцијата, со цел нејзина […]