Илиевски најави кривична за Инспекцискиот совет зашто не постапил по одлуката на Антикорупциска



Инспекцискиот совет кој е формиран од Владата работи контра Антикорупциската комисија во однос на донесената одлука за поведување дициплинска постапка против главниот просветен инспектор Африм Салиу. Тоа е незаконито, несовесно и непрофесионално работење на претседателката на Советот, Магдалена Филиповска-Грашковска, и на членот во Советот од областа образование, наука и култура, Ќерамедин Селими, изјави вишиот просветен инспектор Ѓорѓи Илиевски, најавувајќи кривична пријава за злоупотреба.

Главниот просветен инспектор Салиу на 6 јуни 2019 година заедно со  двајца инспектори извршил вонреден инспекциски надзор на Тетовскиот универзитет при што утврдил дека нема законски пропусти во однос на унапредувањата на тројца јавни функционери  – министерот за образование Арбер Адеми, заменик-министерот во МВР Агим Нухиу и директорот на Заводот за индустриска сопственост Сафет Емрули.

Антикорупциската побарала од Инспекцискиот совет дисциплинска постапка зашто констатирала судир на интереси кај Салиу, кој согласно со Законот за спечување корупција и Етичкиот кодекс за работа на инспекторите требало да биде изземен од инспекцискиот надзор на ДУТ затоа што неговата ќерка е вработена како асистент на Правниот факултет на тој универзитет.

– Инспекцискиот совет, претседателот и членот воопшто не преземаат чекори за што имале должност. Во повеќе наврати доставив дописи за одговор до каде е дисциплинската постапка, но ми одговараат слаткоречиво дека постапката е во тек. Од јули до ден-денес нема никаква постапка. За вакви чинови во други случаи се поведувале дисциплински постапки и се одземани лиценци на инспектори. Во конкретниов случај Инспекцискиот совет работи дискриминаторски и затоа ќе бидам принуден да покренам и кривична пријава за злоупотреба од овие главни личности во Советот, рече Илиевски.

Тој додаде и дека не само што нема дисциплинска за Африм Салиу, туку е и награден од директорот на Државниот просветен инспекторат Томе Спировски со овластување покрај главен инспектор да биде и раководител во одделение за инспекциски надзор во Советот.

Илиевски нагласи дека повеќе нема доверба во домашните институции кои веќе се запознати со случајот и за сите неправилности ќе информира некои меѓународни институции и неколку амбасади во земјава.


Во Прилеп ситуацијата со КОВИД-19 сериозна, неопходна е монтажната болница - МИА
Вести

Нови 143 случаи на коронавирус, 110 оздравени и девет починати лица

 – Во изминатите 24 часа од направени 1504 тестрирања, регистрирани се нови 143 случаи на коронавирус. Во истиот период регистрирани се и 110 оздравени пациенти, но и девет починати лица. Министерството за здравство информира дека […]

Вести

Одбраната на „Монструм” ќе поднесе крвична пријава против вештакот Снежана Николовска

– Одбраната на обвинетите во случајот „Монструм” ќе поднесе кривична пријава против вештакот Снежана Николовска, заради, според нив, фалсификување на вештачењето на земјата од Смилковско Езеро и Враживир. Ова го најави адвокатот Насер Рауфи, по […]

Вести

Митревски: Имам крунски доказ дека Димовски е нелегитимен претседател на ССМ

– Поранешниот лидер на ССМ и акуелен претседател на Синдикатот на работниците од шумарството, дрвната индустрија и енергетика Живко Митревски бара од Владата, премиерот, министерот за труд и социјална политика и вицепремиерот за борба против […]