Деркоски: Веројатно в среда ќе го заклучиме избирачкиот список


Деркоски: Веројатно в среда ќе го заклучиме избирачкиот список - МИА

Скопје, 29 јуни 2020 () – Веројатно в среда ќе го заклучиме избирачкиот список. Завршени се сите потребни активности, обработката на податоците. Не можам точниот број да го кажам, но 1.814.000 и неколку стотини гласачи ќе бидат на избирачкиот список на овие избори. Ќе почекаме до среда кога дефинитивно ќе го соопштиме точниот број. Потоа избирачиот список се обработува во нашите служби, се генерира за печатење во печатницата, соопшти претседателот на Државната изборна комисија (ДИК) Оливер Деркоски одговарајаќи на новинарско прашање на денепната заедничка прес-конференција со министерот за внатрешни работи Наќе Чулев.

Тој информира дека по прес-конференцијата, целата Комисија ќе оди во печатницата „Киро Дандаро“ во Битола за да се направи записник на прием на материјалите од кои ќе се изработуваат гласачките ливчиња и избирачките списоци пред да се почне со печатењето.

-Се снима целокупниот процес на печатење, броење, проверка на материјалот што ќе се користи како материјал за гласање на изборите, напомена Деркоски.

Претседателот на ДИК изјави дека сега за сега нема голем број барања за замена на членовите и замениците од избирачките одбори. Потсети дека согласно законот, познати се критериумите кои мора да се исполнат за изземање од член и заменик-член во избирачките одбори, сериозни здравствени причини, хронична болест од листата на хронични болести што е објавена на веб-страницата на Министерството за труд и социјална политика и сериозни семејни причини за кои треба да се обезбедат докази. Барањето се доставува до ОИК, која одлучува за тоа, и по случаен избор од базата на МИОА, од јавната администрација се врши нов избор.

– Сите треба да бидеме свесни дека треба да дадеме свој придонес како граѓани на оваа држава за да се спроведе овој избирачки процес на најдобар можен начин, рече Деркоски.

Одговарајќи на новинарско прашање, повтори дека избирачкиот список е чист, ги содржи податоците на сите полнолетни граѓани кои имаат наполнето 18 години и имаат државјанство. Тоа се двата услова кои треба да ги исполни секој граѓанин за да биде на избирачкиот список, да го стекне своето право на глас или да биде биран.

– Постојаното чистење на списокот што се одвива во континуитет во ДИК, преку подрачните единици, континуираното квартално доставување од страна на МВР, доведува до тоа овој список да има високо ниво на прочистеност и граѓаните не треба да се грижат околу тоа дали или не е избирачкиот список во ред, рече Деркоски.

Прашан за гласањето на дијаспората, Деркоски укажа дека на овие избори ќе нема гласање на дијаспората согласно решението на претседателот на Собранието, кој, како што рече, утврди дека сите претходни дејствија кои беа преземени се завршени и поради тоа што нашата дијаспора кога имала можност не се пријавиле во доволен број.

Претседателот на ДИК воедно апелираше денот среда да се почитува како изборен молк.

Одговарајќи на новинарско прашање, Дерскоски рече дека изминатата недела членовите на ДИК извршиле теренска проверка на сите гласачки места низ државата. Биле дислоцирани голем број избирачки места, кои не ги задоволуваат определени критериуми – како проветреност на просторијата, големина на објектот и сл., кои биле наложени од здравствени власти. Информира дека замениле доста избирачки места, промениле локации во смисла обезбедено е доволно училници во училишата и гласање во спортски сали, онаму каде што има. Деркоски потенцираше дека во најголем дел од општините ова е средено, а остануваат само некои рурални средини со мал број гласачи, каде не е возможно да се најде поширока просторија, се гласа во приватни објекти кои ДИК го закупува.

 


Обвинителот Гаврил Бубевски позитивен на КОВИД-19, обвинителката Фатиме Фетаи во самоизолација - МИА
Вести

Обвинителот Гаврил Бубевски позитивен на КОВИД-19, обвинителката Фатиме Фетаи во самоизолација

Скопје, 6 јули 2020 () – Јавниот обвинител Гаврил Бубевски е позитивен на КОВИД-19, а неговата колешка од поранешното СЈО, обвинителката Фатиме Фетаи, поради контакт со него ќе биде 14 дена во самоизолација. Ова е причината […]

Бројот на заболени од Ковид-19 и натаму висок, повторно се апелира на почитување на мерките за заштита - МИА
Вести

Регистрирани нови 78 случаи со Ковид-19, петмина починати, 172 оздравени пациенти

Скопје, 6 јули 2020 () – Во последните 24 часа се направени 894 тестирања, а регистрирани се 78 нови случаи со Ковид-19 во: Скопје-26, Куманово-4, Дебар-1, Штип-17, Тетово-9, Струга-3, Битола-1, Охрид-1, Гостивар-5, Крива Паланка-1, Кочани-1, […]

Бинзините и дизелот поскапуваат за еден денар - МИА
Бизнис

ЕУРОСУПЕР БС-95 поевтинува, а Екстра лесното масло поскапува за половина денар

Скопје, 6 јули 2020 () – Цената на бензинот ЕУРОСУПЕР БС-95 од ноќеска на полноќ се намалува за половина денар, а Екстра лесното масло за домаќинство (ЕЛ-1) поскапува за половина денар по литар, додека цените […]

Биди првиот кој ќе коментира

Вашиот коментар

Твојата е-маил адреса нема да биде објавена.


*