Смартфоните со 5G ќе претставуваат над 50% од приходите од продажба на мобилни уреди до 2025 година



Новата студија на Juniper Research откри дека 5G компатибилните смартфони ќе учествуваат со над 50% во приходите од продажба на паметните телефони до 2025 година, достигнувајќи 337 милијарди долари во однос на 108 милијарди долари во 2021 година. Студијата ги повика продавачите на мобилни телефони да обезбедат хардверот да ги зголеми придобивките од идните мобилни компјутерски решенија во облак. Мобилниот компјутерски облак им овозможува на провајдерите на услуги да пренесуваат интензивни задачи во облак, како и да ги ослободуваат  ресурсите на уредите за основните процеси на смартфоните.


 

Новото истражување 5G Smartphones: Trends, Regional Analysis & Market Forecasts 2021-2026, предвидува дека успешните продавачи на мобилни уреди ќе вклучуваат радија што можат да обработуваат големи пропусни опсези и ултра-ниска латенција за да се осигура дека корисниците на смартфони и ќе можат ефикасно да користат услуги во облак, додека цената и натаму е конкурентна.

Уредите со Android ќе доминираат во регионите во развој 

Извештајот предвидува дека зголемувањето на достапноста на 5G паметните телефони од понизок ранг е клучно за пропагирање на усвојувањето на 5G уредите на пазарите во развој. Се предвидува дека до 2025 година, глобалните цени на Android смартфоните ќе бидат 65% пониски од глобалните цени на уредите со iOS. Извештајот нагласува и дека оваа пониска просечна цена на Android уредите ќе доведе до тоа оперативниот систем Android да доминира на пазарите со 5G телефони во региони како што е Јужна Америка.

Спротивно на тоа, истражувањето очекува дека постојаната популарност на iOS уредите на развиените пазари ќе направи 40 проценти од глобалните приходи од 5G смартфони да им се припишат на Северна Америка и Европа до 2025 година.

Законите за „право на поправка“ ќе влијаат на испораките

Извештајот предупредува дека долгорочните приходи од испораката на 5G уреди ќе бидат ограничени од претстојната легислатива за правото на поправка во Северна Америка и Европа, бидејќи повеќето корисници на мобилни телефони избираат да ги поправаат постарите модели, отколку да се надградуваат на понови уреди.

Авторот на истражувањето Адам Веарс објаснува: „Ефектот на овие закони нема веднаш да се почувствува, бидејќи потрошувачите ги усвојуваат 5G смартфоните за да ја искористат високата брзина и намалената латенција на мрежите од петтата генерација. Продавачите на хардвер мораат да ја искористат оваа прилика да развијат нови можности на смартфоните, за да ги охрабрат потрошувачите да продолжат редовно да ги надградуваат уредите и да избегнуваат попречување на конкуренцијата“.

Повеќе информации за истражувањето на пазарот на 5G паметни телефони можете да дознаете на следниот ЛИНК.