Samsung Electronics го лансираше првиот 240Hz 4K гејмерски монитор Odyssey Neo G8 на глобално ниво


Odyssey Neo G8 нуди неверојатна стапка на освежување од 240 Hz благодарение на технологијата Quantum Mini LED


 

 Samsung Electronics Co., Ltd., глобален лидер во секторот за гејмерски монитори, ја објави глобалната достапност на својата линија за гејмерски монитори за 2022 година – Odyssey G85NB и G75NB, дополнително зајакнувајќи ја водечката позиција на серијата Odyssey во обезбедувањето најсеопфатно и најреално искуство за игри на пазарот. Моделот G85NB – првиот светски монитор за игри со 240Hz 4K – е достапен во големина од 32 инчи и нуди исклучително реалистичен квалитет на сликата, брзо време на одговор и совршени перформанси.

„Со огромно задоволство Samsung го претставува најбрзиот 4K гејмерски монитор во светот кој овозможува уште поголеми способности и иновации на пазарот, создавајќи ново и неверојатно извонредно искуство“, изјави Hyesung Ha, извршен потпретседател на Visuals Division на Samsung Electronics. „Гејмерите сакаат реално искуство во комбинација со нивниот лик и сцена, а Odyssey го обезбедува ова со супериорни карактеристики и реален квалитет на сликата што ги воодушевува гејмерите“.

Odyssey Neo G8 (G85NB) – Неспоредлив по брзина и резолуција

Новиот 32-инчен Odyssey Neo G8 е првиот и најбрзиот монитор во светот кој комбинира 4K (3840 x 2160) 1000R заоблен VA панел базиран на технологијата Quantum Matrix, со супербрза стапка на освежување од 240 Hz и време на одговор од 1ms (GtG[1]). 4K резолуцијата поддржува и опсег на бои до 95% од спектарот DCI-P3. Дизајнот на моделот Neo G8 е инспириран од легендарниот стил на моделот Odyssey Neo G9, нудејќи модерен надворешен изглед во комбинација со карактеристики за совршени перформанси на игри.

Заедно со AMD FreeSync Premium Pro, исклучителната стапка на освежување од 4K 240Hz на овој монитор и неверојатно брзото време на одговор од 1ms им овозможуваат на гејмерите да постигнат реална прецизност за да го максимизираат својот потенцијал и да се натпреваруваат на највисоко ниво во која било гејмерска средина. Neo G8 користи и Quantum Mini LED технологија која обезбедува многу добра и прецизна контрола на густо распоредените LED диоди, така што гејмерите можат да ги гледаат темните и светлите сцени како што сакаат. Дополнително, Quantum HDR 2000 со максимално ниво на осветленост од 2000 nits и статички сооднос на контраст од еден милион спрема еден им овозможува на гејмерите да ги видат и најмалите детали за ненадминато искуство.

Позадинското осветлување CoreSync автоматски ги открива боите на екранот и ги проектира во реалност за уште подлабоко потопување во светот на игрите.

Odyssey Neo G8 е создаден за да обезбеди широк спектар на иновативни функции кои го подобруваат искуството за играње. Овој монитор е опремен со нова технологија за прикажување наречена Matte Display, која обезбедува заштита од отсјај и рефлексија, го намалува одвлекувањето на вниманието на минимум и им помага на гејмерите да останат фокусирани на содржината пред нив. Дополнително, овој монитор нуди држач за прилагодување на висината (HAS), како и функција за вртење и навалување за ергономска ефикасност и поставување во согласност со правилата на Здружението за стандарди за видео електроника (VESA). Благодарение на флексибилноста на Neo G8, корисниците можат да го организираат својот простор за максимална удобност и продуктивност.

Моделот G85NB неодамна беше награден за својата иновативна технологија и беше прогласен за победник на најдобрата иновација во категоријата за игри, а освои и почесно признание за иновации, исто така во категоријата игри.

Odyssey Neo G7 (G75NB) – Нурнете се во виртуелен свет со врвната Mini-LED технологија

Samsung ја проширува својата линија на гејмерски монитори Odyssey со новиот модел Odyssey Neo G7, 32-инчен 4K (3840 x 2160) монитор со заоблен VA панел од 1000R, брзина на освежување од 165Hz и време на одговор од 1ms (GtG), обезбедувајќи супериорни перформанси на игри.

Овие перформанси овозможуваат бројни функции исти како и кај моделот Odyssey Neo G8, вклучувајќи AMD FreeSync Premium Pro, Quantum Mini LED технологија, како и Quantum HDR 2000 со максимално ниво на осветленост од 2000 nits и статички сооднос на контраст од милион спрема еден, за извонредно искуство виртуелен свет за играчите, без оглед на играта за која станува збор.

Ова сеопфатно искуство е дополнително подобрено со позадинското осветлување CoreSync на задниот дел од мониторот, кое носи силни и живописни бои во реалноста што создаваат незаборавни искуства.

Ергономскиот држач, покрај функцијата Auto Source Switch+, гарантира дека мониторот работи во корист на играчите и го елиминира секое време за прекин за максимални перформанси, продуктивност и удобност. Гејмерите исто така можат побрзо да пристапат до нивната содржина без пребарување со едноставно вклучување на компјутерот, така што мониторот веднаш ја препознава и се префрла на потребната содржина.

Гејмерските монитори Samsung Odyssey G85NB и G75NB се достапни ширум светот[2], а во Северна Македонија по препорачана цена од 91.999 денари за G85NB и 79.999 денари за G75NB. За повеќе информации, посетете: https://www.samsung.com/mk/

###

За Samsung Electronics Co., Ltd.

Samsung го инспирира светот и ја обликува иднината со трансформативни идеи и технологии. Компанијата го редефинира светот на телевизори, паметни телефони, уреди за носење, таблети, дигитални уреди, мрежни системи и меморија, LSI системи, кастинг и LED решенија. За најновите вести, посетете ја Newsroom на Samsung на http://news.samsung.com

[Спецификација]
Модел G85NB G75NB G40B
Екран Големина на екран 32” 32” 27″ 25″
Рамен/Заоблен 1000R заоблен 1000R заоблен рамен
Формат на екранот 16:9
Осветлување (стандардно) 350 cd/㎡

(макс. 2000 cd/㎡)

350 cd/㎡

(макс 2000 cd/㎡)

400 cd/㎡
HDR Quantum HDR 2000 Quantum HDR 2000 HDR10
Резолуција 3,840 x 2,160 (UHD) 1,920 x 1,080 (FHD)
Стапка на освежување макс. 240Hz макс. 165Hz макс. 240Hz
Време на одговор 1ms(GTG)
Агол на гледање 178°(хоризонтално)/178°(вертикално)
Гејминг функции Променлива стапка на освежување FreeSync Premium Pro FreeSync Premium,

G-Sync kompatibilan

CoreSync осветлување Да
Останато (1) Црн еквилајзер, режим на ниско доцнење на влезот, оптимизатор на стапка на освежување

Super Arena Gaming UX, Auto Source Switch+,

Приспособлива слика, ултра широк приказ на играта, без треперење

Останато Боја на предната страна Црна
Боја на задната страна Бела Црна
Интерфејс Display Port 1.4 (1EA),
HDMI 2.1 (2EA),

USB3.0 горе (1EA) и доле (1EA)

Display Port 1.2 (1EA),
HDMI 2.0 (2EA),
Ергономичност HAS (држач со прилагодлива висина), вртење, навалување, ротирање
Поставување на ѕид 100 x 100

[1] Сиви тонови. Мерна единица за брзина на пикселите. Се користи за мерење на времето на одговор на мониторите за игри

[2] Достапноста зависи од пазарот